Sonja :D

Langt síðan síðast :)

Tue, 26 Feb 2008 19:09:23 GMT

Hæ allir :D Ég vona að þið fyrirgefið mér fyrir að hafa ekki bloggað neitt í næstum mánuð:S Þetta er ekki góð þróun ég veit það, ég hef bara haft svo mikið að gera að ég hef ekki haft tíma eða orku í það.

En já það er ýmislegt búið að drífa á daga mína síðan síðast J Mamma, pabbi og Ásta komu í heimsókn 9.febrúar og voru alveg til 16. Febrúar. Það var rosalega gaman að fá þau og við gerðum mikið saman. Við keyrðum á frönsku rivíeruna og skoðuðum Cannes, Nice og Monaco. Vá það var alveg æðislegt, gott veður og yndislega fallegt landslagJ Það var ekkert smá spes að koma til Monaco, þetta er sko eitt minnsta ríki í heimi og aðeins um það bil 2 ferkílómetrar að stærð og með 34 000 íbúa. Þeir nýta líka allt pláss sem mögulegt er þarna, það var bókstaflega ekkert land autt. Þeir voru meira að segja með neðanjarðarverlsunarmiðstöð, það var ekkert smá töff. Það var eiginlega ekkert nema vel efnað fólk þarna og allar búðirnar voru rándýrar, enda voru þær líka svona special design stores. Það var eitt fyndið líka, þær voru flestar staðsettar við hliðina á spilavítinu, greinilega ætlaðar fyrir fólkið sem er nýbúið að vinna sér einhvern pening;) Þetta var eins konar heimur út af fyrir sig þarna. Vá ég tala nú ekki um allar flottu snekkjurnar og alla Ferrari bílana ;)

Við fórum líka saman til Carcassonne að skoða eldgamlan bæ sem er byggður inni í eins konar virki. Manni leið eins og maður væri bara kominn til miðalda að labba þar um. Þetta var rosalega skemmtileg upplifun J Við skoðuðum líka strandbæi hérna rétt hjá og þeir voru rosalega huggulegir með flottar strendur, nú veit ég hvert ég fer þegar það fer að sumra aðeins meira hérna J

Eftir að þau fóru fór lífið aftur í sinn vanagang, skólinn og djammið tók við ;) Hehe, þetta er nú samt engin rútína sem ég er í hérna, mér finnst eins og ég sé í stöðugu fríi :D

Seinustu helgi fór ég til Barcelona með Natölíu vinkonu minni. Við ákváðum að fara á fimmtudegi og keyptum miðana sama kvöld, þeir voru mjög ódýrir, kostuðu bara 40 evrur :D En við þurftum líka að ferðast í um það bil 7 tíma með lest :P Við fórum síðan á föstudagsmorgni um 11 og komum til Barcelona um 7 um kvöldið. Þetta var frekar löng lestarferð en samt alveg ágæt, landslagið var mjög fallegt á köflum, ekkert nema vínekrur og fallegar hliðar sem liggja út í sjóinn. Fyrstu nóttina í Barcelona vorum við á Barcelona Mar Hosteli sem var staðsett frekar langt frá Römblunni í ekkert alltof góðu hverfi. Við þurftum samt að sætta okkur við það því það voru ekki miklar líkur á að við myndum finna annað. Þetta var hálfgert kúltúrsjokk fyrir mig. Ég er vön að vera á ágætis hótelum eða íbúðum þegar ég er að ferðast en þarna var ég allt í einu í litlu herbergi með öðru ókunnugu fólki og án klósetts og alls og svo þurfti ég líka að sofa í ógeðslegu rúmi :P Þetta var hálfgert sjokk fyrir okkur báðar, en samt um leið ævintýri :D Ég er ekkert á móti hostelum sko, hefði bara viljað að þetta væri betur staðsett. Fyrsta kvöldið fórum við út að borða á góðan spænskan stað og ég fékk mér tapas og Natalia fékk sér paellu ;) Eftir það fórum við síðan á bar og fengum okkur skot og svona aðeins til að hita upp ;) Þar hittum við svo mjög skemmtilega kanadíska og mexíkanska skiptinema sem voru líka túristar þarna eins og við. Við fórum síðan á klúbb með einum þeirra eftir á. Við dönsuðum þar til svona 5 um nóttina ;) Það var geggjað gaman og spænsk tónlist á fullu alla nóttina með tilheyrandi heitum dansi ;) Natalía er nottla snillingur í svoleiðis dansi þar sem það er þvílík dansmenning í Kólumbíu þaðan sem hún er, við skemmtum okkur því ýkt vel saman :D

Á Laugardaginn skoðuðum við Barcelona, við fórum í Gaudí garðinn sem var ekkert smá fallegur, löbbuðum um í Gotneska hverfinu, fórum á ströndina, snekkjuhöfnina, skoðuðum sigurbogann og ótrúlega fallegan garð með einum fallegasta gosbrunn sem ég hef séð á ævinni ( og ég hef sko komið til Rómar). Þetta var rosalega góður dagur og við sáum allt sem við vildum sjá. Það var samt eitt virkilega slæmt sem gerðist :s Ég var rænd. Ég var sem sagt í strætó og með töskuna mína fyrir framan mig en þegar ég labba út tek ég eftir því að veskið mitt er opið og að peningaveskið mitt er horfið. Vá hvað ég var ógeðslega pirruð, ef ég hefði séð þetta gerast þá hefði ég sko kýlt þennan helvítis vasaþjóf!!! Hann sem betur fer náði hann ekki miklum pening, bara 15 evrum og reyndar líka símakorti að verðmæti 25 evra. En svo nottla tapaði ég öllum kortunum mínum og ökuskírteininu. Sem betur fer var Natalia svo góð að hún lánaði mér þann pening sem ég þurfti J

Um kvöldið fórum við svo út að borða og ég fékk mér tapas. Eftir það hittum við síðan Ruben og vini hans sem voru líka þarna. Við fórum í pöbbaleiðangur og fundum einhverja ekta spænska pöbba sem ég verð að viðurkenna voru frekar subbulegir, en hey svona eru þeir víst þarna, það er að segja traditional barirnir :P Við fórum síðan bara tvær á klúbb til að dansa fram á nótt J Þetta var bara svaka stuð kvöld.

Á sunnudaginn fórum við svo og skoðuðum það sem við áttum eftir að skoða, La Sagrada Familia og Gaudí húsin. Við tókum síðan lestina um 3 leitið heim :P

Síðan þá hef ég ekki gert mikið, veðrið hefur verið frekar leiðinlegt hérna og ég er enn að ná mér eftir þessa Barcelona ferð. Við löbbuðum svo ógeðslega mikið og sváfum svo ótrúlega lítið :P Hehe eins og ferðir eiga að vera ;)

Vá hvað ég væri til í að búa einhvers staðar hérna í Evrópu, það er svo þægilegt að hafa möguleika á því að ferðast hvert sem manni langar að fara fyrir rosalega lítinn pening J

Í kvöld er ég svo að fara að djamma með Natölíu og líklegast Súsönnu og Vivíönu líka :D Við ætlum svo að fara á Australian bar, það er eins konar hefð að fara þangað á þriðjudögum. Það er sérstakt international stúdenta kvöld þar alla þriðjudaga og það fara næstum því allir þangað :D

Úúú svo er líka meira að frétta :D!!! Ég er búin að fá svör frá allavega tveimur skólum í Bretlandi og ég komst inn í þá báða !!! :D Þeir heita Nottingham University og Warwick University, þeir eru báðir rosalega góðir og Nottingham er meira að segja í 8 sæti yfir bestu lögfræði skólana á Bretlandseyjum og Warwick er í 7 sæti yfir bestu skólana. Þetta er því ekki slæmt :D En ég er enn að bíða eftir svörum frá hinum áður en ég ákveð mig endanlega.

En jæja ég ætla að fara að elda mér gott pasta með túnfiski :D Hmm túnfisk pasta er svo gott ;) Svo þarf ég að fara út í búð og kaupa smá hvítvín sem ég ætla að nota til að búa til „kir“ sem er rosalega góður drykkur sem maður blandar við Cassis sem er eins konar kirsuberja líkjör.

Hafið það gott og ég sakna ykkar allra ! Kossar og knús :D

Lundi :P

Tue, 29 Jan 2008 01:49:46 GMT

Það er allt gott að frétta frá Frakklandi. Ég er bara búin að vera að slappa af og njóta bæjarins, ég er reyndar komin með nóg af því og get ekki beðið eftir miðvikudeginum. Ég fór nefnilega í dag og sótti stundatöfluna mína og komst að því að ég er í fríi alla þriðjudaga. Það er ágætt :D Ég get þá gert þá að skemmtilegum dögum þar sem ég fer alltaf og uppgötva eitthvað nýtt við þennan stað, ég þarf allaveganna að skipuleggja eitthvað skemmtilegt til að gera á þriðjudögum.Stundataflan mín er bara mjög góð og ég er í mörgum fögum m.a. málfræði, hljóðfræði (ekki það skemmtilegasta verð ég að viðurkenna), bíómyndaáfangi, frönsk menning, munnleg franska og svo get ég líka valið á milla nokkurra námskeiða og þar er ég að pæla í að taka viðskiptafrönsku, leikhúslistir og listasögu. Ég get ekki beðið eftir að byrja og sjá hverjir verða með mér í tímum. Mér gekk víst bara ágætlega á þessu stöðuprófi þarna því ég var sett í hóp B2 en besti hópurinn er C2, þetta á víst að vera advanced level :D Vonandi verður þetta krefjandi og skemmtilegt J Eftir þetta nám fæ ég svo sérstakt diploma sem heitir Diplome d‘etudes francais, það er bara nokkuð gott held ég ;)

Það er ýmislegt búið að gerast síðan síðast. Það var meðal annars partý hérna í íbúðinni á laugardaginn í tilefni af afmæli Andy‘s sem varð 21 árs. Þetta var frekar stórt partý, með alveg 30-40 manns eða eitthvað. Það var reyndar lítið á þeirra mælikvarða þar sem partýin sem hafa verið hérna hafa oftast verið svona 50-60 manna partý:P En allavega það var svaka stuð og eftir á kíktum við nokkur á Cuba café til að dansa salsa J Sá staður lokaði reyndar um 2 þannig að við fórum þá bara heim og enduðum djammið með pizzu. Bretarnir voru reyndar ekkert á því að enda djammið því það var djammað hér til svona 5 :P Vá þið hefðuð átt að sjá gólfið hérna eftir þetta, það var mesti viðbjóður í heimi, það var sko ekki hægt að labba þar um án þess að límast við það. Ég var að átta mig á því í dag að áfengið sem ég hafði átt inni í ísskáp var öllu stolið í partýinu, ég læri af reynslunni næst og geymi ekkert áfengi þar sem fullt fólk getur nálgast það :P Kannski frekar vitlaust af mér að fatta það ekki fyrr:P

Sunnudagurinn eftir partýið var frekar dull, sunnudagar eru sko algerlega dauðir í Frakklandi því þá eru sko allir Frakkar í fríi og þeir vilja sko njóta sín þá. Þetta eru bara algjörir fjölskyldudagar, það var því eiginlega ekkert opið í gær nema kannski einstaka kaffihús. Ég fór reyndar á kaffihús í smástund til að fá mér nýpressaðan ávaxtasafa, það var bara mjög fínt J Svo keypti ég mér ekta franskt quiche til að borða í kvöldmat, mmm það var gott J

Í dag er ég svo búin að gera ýmislegt, fór í bankann og fékk tryggingu fyrir íbúðina og borgaði leiguna og svona. Síðan var ég bara í allan dag að skoða í mollinu. Mollið hérna er alveg ágætt, en samt ekkert til að hrópa húrra fyrir, einu flottu búðirnar eru Morgan, Zara og ein svona department store. Svo eru reyndar nokkrar skóbúðir líka ægætar þarna. En vá franskar konur kunna sko að klæða sig, þær eru alltaf óaðfinnanlega til fara, manni líður bara hálf illa við að labba við hliðina á þeim stundum. Þær eru nefnilega svo fínar eitthvað og ganga mikið í pilsum og klassískum litum og svona. Þær eru mjög klassískar til fara og nota mikið af ekta efnum og svona. En talandi um ekta efni, ég keypti mér einmitt lífræn handklæði áðan :P Hehe, það er einhvers konar sérstök lífræn ull í þeim eða eitthvað svaka. Mér finnst það frekar fyndið að flokka handklæði sem lífræn ;)

Seinna um daginn fór ég svo og náði í stundatöfluna mína og hitti fullt af krökkum úr skólanum. Það er rosalega mikið af asísku fólki þarna og svíum. Ég held ég sé eini íslendingurinn samt :D Hehe þá er ég bara sérstök ;) Ég talaði frekar mikið við nokkra Svía þarna og við ákváðum svo að fara 7 saman út að borða um kvöldið. Við fórum ekki á einn stað heldur 3 staði ;) Við fengum okkur fordrykk á einum stað, aðalrétt á öðrum stað og svo eftirrétt á þriðja staðnum, þvílík fjölbreytni ;) Ég verð samt að taka það fram að mánudagar eru líka frekar dauðir hérna, við vorum allavega einu kúnnarnir á veitingastaðnum í kvöld og aðaltorgið var meira að segja líka tómlegt :P Mánudagar eru samt alltaf leiðinlegir alls staðar, örugglega hvar sem er í heiminum þar sem fólk hefur gefið þessum ömurlega degi nafn. Kannski sleppa sum lönd Afríka við þessa mánudagsbölvun en það er bara því þau þekkja það ekki. Þetta er allt bara skilgreiningaratriði býst ég við. Mér finnst að við ættum bara að afnema mánudaga og stytta vikuna um einn dag, þriðjudagar eru nefnilefa strax miklu skárri ;)

En vá klukkan er að verða 3 hérna, ég held það sé kominn timi til að fara að lúlla með kanínunni minni J

Takk fyrir öll kommentin :D Gaman að sjá að fólk hefur áhuga á að fylgjast með ;)

Sakna ykkar.......kossar og knús J

Kveðja frá Frakklandi!

Fri, 25 Jan 2008 11:57:05 GMT

Halló allir Það er búið að vera rosalega gott hérna í Montpellier og ég er sko búin að gera ýmislegt síðan ég kom hingað. Ég er búin að stofna franskan bankareikning, fara í Ikea og kaupa fallega hluti í herbergið mitt, kaupa tram kort, taka stöðupróf í skólanum, fara út að borða í fyrsta skipti á franskan veitingastað, fara í sightseeing tour um borgina með nýja þýska vini mínum, fara á djammið með Belganum og vinum hans og svo er ég líka búin að labba heilmikið. Það er svo skrýtið að vera allt í einu farin að hreyfa sig svona mikið því ég bókstaflega labba út um allt, ég held ég labbi örugglega svona 4-5 km á dag, enda finn ég líka alveg hvað ég þarf að borða meira :P En vá hvað það er gaman að labba svona, maður fær einhvern veginn svo góða tengingu við umhverfið, það er allavega mun betra en að vera í bíl.

Á miðvikudaginn fór ég sem sagt snemma um morguninn og stofnaði þennan blessaða bankareikning, það er nefnilega þannig að maður fær styrk frá ríkinu ef maður er nemi í Frakklandi og á franskan bankareikning og leigusamning og svona. Mér fannst þess vegna um að gera að stofna bara einn svona bankareikning. Ég skal sko segja ykkur það að það er vesen að fara í franska banka, maður þarf að bíða ógeðslega lengi og svo verður maður að hafa svo mörg skjöl með sér til að geta fengið einhverja þjónustu, ég var samt ágætlega undirbúin fyrir það þannig að ég fékk alveg þjónustu. Svo talar bankastarfsfólkið enga ensku og ég verð að viðurkenna það að ég er ekki alveg með bankafrönskuna á hreinu, ég samt skildi flest allt sem hún sagði. Ég vona bara að ég hafi ekki skrifað undir neitt slæmt :P hehe. Ég fæ franskt debetkort eftir nokkra daga :D Mér finnst það geðveikt :D Núna þarf ég bara að fara með enn fleiri skjöl á annan stað og sækja um þennan styrk. En já ég var frekar stolt af mér fyrir að hafa getað stofnað franskan bankareikning ein og á minni eigin frönsku, hehe :P

Á miðvikudaginn fór ég líka í Ikea, en það er frekar langt í burtu frá miðbænum þannig að ég tók tram þangað og svo kom í ljós að búðin sjálf er frekar langt frá stoppistöðinni þannig að ég þurfti að labba frekar lengi. Ég keypti mér alveg helling í Ikea og ég verð bara að taka það fram að allir hlutirnir sem ég keypti voru bleikir :P hehe bleikur er nottla bara besti litur í heimi ;) En já ég var frekar vitlaus þarna því ég keypti mér alltof mikið og hugsaði svo ekkert út í það að ég þyrfti svo að dröslast með þetta alla leið heim. Heimleiðin var því frekar erfið og ég tel mig heppna að hendurnar hafi ekki dottið af mér :P hehe. Ég held ég sé komin með þvílíka vöðva í hendurnar því ég er alltaf að labba um með svo marga og þunga poka ;)

Um kvöldið á miðvikudaginn bauð hann Ruben (belgíski herbergisfélaginn) mér að djamma með sér og vinum sínum, það voru nefnilega nokkrir að koma í heimsókn til hans og svo var planið að fara á einhvern klúbb saman. Auðvitað þáði ég það boð því ég var sko í alvörunni að verða geðveik á því að vera svona mikið ein. Ég er nefnilega búin að gera allt ein síðustu daga, það var orðið svolítið overwhelming og tilhugsunin um að verja öðru kvöldi inni í herberginu fyrir framan tölvuna var ekki lokkandi:P Ekki taka þessu illa samt, það er alltaf jafn gaman að tala við ykkur á msn ;) Það var ekkert smá gaman að hanga með Ruben og vinum hans, þetta var vægast sagt alþjóðlegur hópur, einn þýskur strákur (Stefan), kínverskur strákur (Mario), rússnesk stelpa (Katja) og svo nottla Ruben. Þau voru öll rosalega næs og við skemmtum okkur vel saman, við byrjuðum fyrst inni hjá Ruben og fórum svo á klúbb sem heitir Macadam og eftir það á annan sem heitir Rockstar. Það er svo skrýtið klúbbarnir hérna loka flestir um 1 eða 2 leytið, við vorum alveg í vandræðum með að finna einhvern sem var opinn lengur, en það tókst á endanum ;) Ruben og Katja fóru samt heim frekar snemma en ég var aðeins lengur, ég nennti engan veginn heim strax . Þýski strákurinn fylgdi mér svo heim um 3 leytið. Það er víst ekki alveg óhætt fyrir stelpur að labba einar heim hérna, allavega ekki á þröngu götunum.

Í gær tók ég svo þetta stöðupróf sem var nú miður skemmtilegt. Munnlega prófið var allt í lagi, prófesorinn sem dæmdi í því var líka mjög næs, hann hafði oft komið til Íslands og þekkti meira að segja Gerard Lemarquis frönsku kennarann minn í HÍ Lítill heimur ;) Skriflega prófið var síðan frekar leiðinlegt, það var frekar stór málfræðikafli og svo þurftum við líka að skrifa tvær ritgerðir :P Sjit hvað það er erfitt að skrifa rökfærslu ritgerð á frönsku. Ég þurfti sem sagt annars vegar að skrifa um reynslu mína af frönsku (sú ritgerð var ágæt) og hins vegar þurfti ég að skrifa um hvort sjónvarpsefni væri til afþreyingar eða til upplýsingar ( það efni var hundleiðinlegt, allavega á frönsku).

Eftir prófið tók ég svo tram heim og varð vitni að fyrstu mótmælunum hérna í Frakklandi Hehe frakkar eru sko óðir mótmælendur ! ;) Það sem sagt voru frekar mikil mótmæli á Place de la Comedie og alveg hellingur af fólki þar með skilti og svona, nokkrum götum var meira að segja lokað og tramið komst ekkert áfram. Ég þurfti þvi að fara út að einhvers staðar in the middle of nowhere, ég vissi ekkert hvar ég var :P En sem betur far var ein sænsk stelpa þarna sem var líka í prófinu og við hjálpuðumst að við að komast að aðaltorginu ;) Mér fannst þetta svo fyndið eitthvað því ég er náttúrulega engan veginn vön mótmælagöngum á Íslandi en hérna er þetta næstum því daglegt brauð. Það er meira að segja heil nefnd í háskólanum mínum sem sér um að taka á móti tillögum að mótmælum og petitions og svona. Ég fíla þetta samt alveg í botn, mér finnst þetta ýkt gott hjá Frökkunum, fólk á að lata til sín taka ef það er ekki ánægt með eitthvað. Viva la France! ;)

Um kvöldið voru ég og Stefan svo búin að skipuleggja rendez-vous því hann ætlaði að sýna mér um borgina. Ég var ekkert smá ánægð með þann túr því ég var nottla ekki búin að sjá nema takmarkað af borginni og þorði varla að labba ein eitthvert langt í ótta við að komast ekki heim því allir þessar frönsku litlu götur eru næstum því eins :P hehe. Ég tók fullt af myndum þarna og ég skal setja þær inn á facebook um leið og ég get. Hann var ekkert smá góður tour guide og sýndi mér alla gömlu borgina og rómversku vatnsleiðslurnar, sigurbogann og alles ;) Við fórum síðan út að borða á franskan veitingastað um kvöldið. Namm hvað franskur matur er góður!!! :D Ég pantaði mér þriggja rétta máltíð sem kostaði aðeins 16 evrur. Það er sko ekkert verð miðað við það að ég fékk assortement acras (skelfisk) í forrétt, cuisse de canard (andalæri) í aðalrétt og créme caramel í eftirrétt Vá hvað andakjöt er gott! Það er orðið uppáhaldskjötið mitt núna og ég ætla sko að borða nóg af því á meðan ég er hérna, það er líka svo gott verð á því hérna, annað en á Íslandi :P

En já í þessu city tour okkar þá löbbuðum við mikið um í gamla bænum en hann samanstendur af mörgum pínulitlum götum sem bílar komast ekki einu sinni í gegnum. Þrátt fyrir að þetta sé allt svona lítið þá eru samt kaffihús og veitingastaðir (þar er meira að segja hægt að borða úti) á hverju horni og alls konar litlar búðir út um allt. Það er alveg greinilegt að Frakkar leggja mikið upp úr góðum mat og góðu kaffi. Bottom lænið er bara það að þeir kunna að njóta lífsins :D Ég dýrka þessa menningu hérna ;)

Planið í dag er bara að þvo einhvern þvott og fara kannski á þessa skrifstofu þarna og sækja um styrkinn. Svo ætla ég líka að reyna að finna mér flatbotna opna sko, manni verður svo heitt í lokuðum skóm hérna:P Í kvöld er mér svo boðið í mat hjá Stefan og svo held ég að planið sé að fara á Cuba café og dansa salsa með Katja, Ruben og fleirum Það verður sko stuð, sérstaklega þar sem Katja var einu sinni salsa kennari. En já ég er ekkert smá ánægð að vera loksins búin að kynnast einhverju fólki hérna, það gerir þetta svo miklu skemmtilegra allt saman ;)

Hafið það gott og ég sendi ykkur öllum knúsa og kossa frá Frakklandi Sakna ykkar.

Komin til Frakklands :D

Tue, 22 Jan 2008 22:21:35 GMT

Þá er ég komin til Montpellier loksins eftir langt og skemmtilegt ferðalag :D Ég kom í gærkvöldi um 8 leytið á lestarstöðina í Montpellier. Ég ákvað auðvitað að taka taxa að íbúðinni minni en svo var ég bara komin þangað áður en ég vissi af, það hefði tekið mig svona tvær mínútur að labba :P Hehe, þannig að ég borgaði 10 evrur fyrir einnar mínútu taxi ferð:P Þegar ég kom að íbúðinni þá var mér hleypt inn af einhverjum, en það var samt bara inn í aðalstigaganginn og svo kom enginn út úr neinum af hurðunum þannig að ég var bara eiginlega lost. Ég þurfti að bíða frekar lengi eftir einhverjum til að koma og opna en á meðan þá kynntist ég einni stelpu í byggingunni sem virðist vera rosalega fín, hún allavega gaf mér símanúmerið sitt og sagði mér að hafa samband ef ég vildi J Svo komu loks tveir herbergisfélagar mínir og hleyptu mér inn.

Við erum 7 í þessari íbúð, það eru 4 Bretar hérna, einn gaur frá Belgíu og svo þýsk stelpa sem ég átti upphaflega að deila herbergi með. Ég er nú þegar búin að hitta 3 þeirra. Ég er búin að hitta Guy sem er frá Bretlandi, Ruben frá Belgíu og Ninu frá Þýskalandi. Öll hin eru enn í fríum heima hjá sér en koma víst um næstu helgi J Þau sem ég er búin að hitta eru voðalega fín og Nina og Guy buðu mér meira að segja að borða með sér í gær. Svo var Guy svo indæll að fara með mér í dag að sýna mér aðeins um bæinn og redda mér á pósthúsinu og svona. Ég sem sagt átti að deila stóru herbergi með Ninu og borga um 325 evrur á mánuði í leigu. En svo kom Guy til mín í gær og spurði hvort ég hefði ekki áhuga á að skipta við hann um herbergi svo hann gæti verið hjá Ninu, þau eru sko svo hrifin af hvoru öðru og ættu bara að vera par en vilja samt ekki staðfesta það. Hann var allavega frekar vandræðalegur þegar hann spurði mig að þessu, alveg bara „ yeah because we have been spending so much time together lately and it would be really convenient for us to be together in a room“. Ég skil ekki af hverju þau byrja ekki bara saman eða viðurkenna allavega að þau séu par vegna þess að þau eru sko ekki að fela þetta að neinu öðru leyti, þau eru alltaf að kyssast og knúsast eitthvað. Ég hélt meira að segja í gær að þau væru bara farin að gera það þarna í herberginu við hliðina á mér án þess að hafa dregið fyrir opið eða neitt :P En ég held samt að það hafi bara verið saklaust kelerí hjá þeim. Æ hvað þau eru samt heppin eitthvað :D Það er samt eitthvað við þessa íbúð vegna þess að meðleigjendurnir á undan þeim byrjuðu líka saman og eru víst að fara að gifta sig næsta sumar J Ekkert smá sætt, mér er sagt að stelpan sé frá Belgíu og strákurinn frá Englandi.

En já ég er sem sagt búin að skipta við Guy og þarf núna að borga aðeins meiri leigu en það er bara um 45 evrur. Þetta herbergi er líka mikið stærra og með arin og stórum glugga, nú hef ég sko nóg pláss fyrir gesti :D Það eru allir velkomnir ! ;) Ég er líka búin að vera að skreyta herbergið eitthvað, ég keypti mér rosa sæt blóm í dag sem ég er búin að líma upp um alla veggi, þau eru samt ekkert sérlega samvinnuþýð því þau eru alltaf að detta :P

Í dag var ég komin út um 11 leytið og fór þá með Guy niður í bæ þar sem hann sýndi mér allt það helsta hérna í grenndinni. Það var rosa gott að fá smá svona orientation, nú er ég ekki alveg jafn lost. Ég komst að því að íbúðin gæti ekki verið betur staðsett því það er strætóstoppistöð beint fyrir utan hana, lestarstöð í sömu götu ( þar sem er hægt að taka lestir hvert sem er innan Frakklands), og tram stöð í tveggja mínútna fjarlægð. Svo er íbúðin náttúrulega alveg við aðaltorgið, það tekur kannski mínútu að labba :D Þetta er sko æðislegt J Og svo er íbúðin líka eitthvað svo frönsk. Í dag skoðaði ég mig sem sagt um í miðbænum og komst að því hversu virkilega sætur bær þetta er. Hann er svo suðrænn eitthvað og mediterranean, sérstaklega þar sem það eru pálmatré út um allt og frekar heitt úti. Í dag var alveg glampandi sól og 18 stiga hiti. Ég fór á túrista skrifstofuna og náði mér í fullt af bæklingum og settist svo niður á kaffihús og fékk mér hádegismat um 12 leytið og skoðaði bæklingana. Síðan fór ég upp í háskólann með lestinni, ég verð að viðurkenna að ég var pínu villt þá, vissi ekkert hvert ég átti að fara, enda þurfti ég líka að taka lestina frekar langt. Það reddaðist samt allt á endanum J

Ég sem sagt skráði mig í skólann og fer svo í inntökupróf á fimmtudaginn. Ég þarf að fara að undirbúa mig fyrir það á morgun :P Ég fór síðan aftur niður í bæ og kíkti aðeins í búðir og svona. Fór meðal annars í Virgin megastore, sem er bara flott, þeir eru ekki bara með tónlist þarna heldur líka rosa gott úrval af bókum og alls konar öðrum hlutum. Ég keypti mér eina franska bók þarna til að koma mér í aðeins betra form í málinu. Ég verð að fara að bæta orðaforðann minn, einu samræðurnar sem mér finnst ég geta haft eru þær allra einföldustu sem fara fram á kaffihúsum og í búðum. Ég verð samt að viðurkenna það að ég skil frekar mikið því herbergisfélagar mínir tala bara frönsku við mig, ég svara samt oftast á ensku. Það er meira að segja auðveldara að skilja bretann á frönsku en ensku því hann er svo ógeðslega óskýr á enskuna, kannski er það bara ég samt sem er ekki nógu góð í breskri ensku :P

Ég fór svo heim og hitti the landlord of skrifaði undir leigusamning og svona. Vá hvað þessi landlord er skemmtileg, þetta er ekkert smá hress kona sem gerði ekki annað en hlæja og grínast eitthvað ;) Ekket smá gaman að henni, hún og vinkona hennar gerðu ekki annað en segja mér að vara mig á frönsku strákunum. Þau sögðu mér að ég þyrfti að passa mig sérstaklega vel á þeim. Hehe frekar spes samt :P Ég hef samt ekki tekið eftir neinni slæmri framkomu hjá Frökkunum, þeir eru allavega ekki eins og Ítalir eða Spánverjar. Þeir láta mann alveg í friði. En ég á víst eftir að kynnast þeim betur :P

Ohh ég get ekki beðið eftir að skólinn byrji :D Þá get ég vonandi kynnst einhverjum skemmtilegum, því ég verð að viðurkenna að það er pínu leiðinlegt að hafa engan til að deila þessari skemmtilegu reynslu með :P Ég væri svo til í að hafa einhver af ykkur með mér J Ég er farin að sakna ykkar allra ótrúlega mikið og get ekki beðið eftir að fá ykkur til mín stelpur :D ( Andrea, Helena og Erna).

Næsta helgi verður samt vonandi skemmtileg því Guy bauð mér að koma með sér í Erasmur partý hjá einhverjum vini hans og svo verður víst partý hérna á laugardaginn í tilefni af afmæli hans Alex, en hann er einmitt ekki ennþá kominn úr fríi :P Ég er allavega rosalega ánægð hérna og elska þennan stað J Ég skil bara ekki af hverju fólk er að pína sig til að búa norðarlega á jörðinni og pína sig til að þola kulda og skammdegi þegar það getur haft það svo miklu betra annars staðar aðeins sunnar? Skrýtið að fólk skuli hafa viljað setjast að á þessum köldu stöðum í upphafi, af hverju reyndi það ekki frekar að leita suður á bóginn? Hehe, segi svona :P Ísland er alveg fínt land og virkilega fallegt og þægilegur staður að búa á, en það mætti alveg vera aðeins sunnar ;)

Jæja ég ætla að fara að kíkja í frönsku bækurnar :D Hafið það gott á fróninu J Ég sakna ykkar allra og bið kærlega að heilsa öllum :D

Frakkland á morgun! :D

Sun, 20 Jan 2008 15:28:44 GMT

Víí ég er orðin svo spennt. Ég er reyndar ekki byrjuð að pakka en ég hef nægan tíma til þess:)

Nú er ég búin að kveðja flest alla áður en ég fer út. Allavega bestu vini mína. Ég bauð Andreu, Helenu og Erna í matarboð á föstudaginn og svo Krybbunni í gær. Þetta var ekkert smá skemmtilegt og ég er rosalega ánægð með þessi "kveðjupartí" mín :D En vá ég á eftir að sakna ykkar svo mikið:( Við verðum samt duglegar að vera í sambandi og ég ætla að vera dugleg að blogga :)

Á morgun legg ég svo af stað um 5:30 og tek flugið til Parísar og síðan tek ég lest þaðan beint til Montpellier. Ég býst við að vera komin um 8 leytið til Montpellier, það er að segja ef allt gengur samkvæmt áætlun ;) Ég verð nú að viðurkenna það að ég er pínu kvíðin fyrir þessari lestarferð þar sem ég verð með svo ógeðslega stóra tösku og ég býst við að það verði frekar erfitt að ferðast með hana í svona lestum. Og svo má ég náttúrulega ekki skilja hana eftir neins staðar þannig að ég get ekkert farið á klósettið í lestinni :S Hehe, alltaf næ ég að búa mér til einhverjar áhyggjur ;)

Jæja ég ætla að fara að pakka loksins :D

Tyrkland :D

Sun, 09 Jul 2006 18:15:48 GMT

Ég er að fara á Marmaris ströndina í Tyrklandi á þriðjudaginn :D Ég get ekki beðið eftir að komast í sólina :D

Þessi ferð var sko ákveðin á fimmtudaginn, segiði svo að ég sé ekki spontaneous ;)

Í gær fór ég í tivolíið með Helenu og Ernu og svo eftir það út að borða á TGI Friday's :) Maturinn var ekkert smá góður og eftir það keyptum við okkar risastóra bragðarefi og rúntuðum niður Laugaveginn. Við fórum síðan heim til Helenu og horfðum á Euro Trip sem stendur alltaf fyrir sínu sem skemmtileg heimsk unglingamynd ;)

Endilega kíkið svo við í golfskálanum og fáið ykkur latte og æðislegt kaffi :D Ég verð mjög mikið þar á næstunni þ.e.a.s. þegar ég er komin heim frá Tyrklandi 18. júlí. Ég er nefnilega að taka við af konunni sem var yfir mér þannig að nú er ég á lengri vöktum 10-10 alltaf og sé um eldamennskuna og svona ;) Það er geðveikt gaman :D

Hafið það gott :D

kv. Sonja

Comeback!

Tue, 04 Jul 2006 00:15:36 GMT

Vá það er alveg mánuður síðan ég bloggaði síðast :S Ég hef bara því miður ekki haft tíma í neitt svona blogg vesen :P Hef verið að vinna ofboðslega mikið undanfarið og þegar ég er í fríi er alltaf nóg að gera :)

Smá fréttir:

Ég er hætt að vera svona mikill klaufi í vinnunni sem betur fer :) Vinnan gengur bara rosalega vel og ég gæti ekki verið í betri vinnu ;) Þetta er sko besta vinna sem ég hef fengið :D

Ég er að fara til Spánar eftir 38 daga :D (það er reyndar alltof stutt því það þýðir að sumarfríið sé að verða búið)

Ég er búin að breyta herberginu mínu þvílíkt......m.a. fá grammafón hjá ömmu sem er að flytja :) Hann er geðveikur, algjör antikgripur :D

Ég var í fyrsta skipti tekin af löggunni um daginn fyrir of hraðan akstur :S (en ég var bara á svipuðum hraða og allir hinir......bara svona 73 í 50 götu). Ég fæ sem betur fer engan punkt bara lægstu sekt :P

Ég er búin að vera mikið í sundi undanfarið og er því komin með geggjað bikinifar ;) hehe

Ég á afmæli eftir 37 daga :) Jei :D Verð loksins sjálfráða :D

Það þarf að draga tönn úr mér :( (tilgangslaus frétt en mig langaði aðeins að vorkenna mér )

Ég er búin að kaupa blóm inn í herbergið til mín og ég ætla að reyna að halda í því lífi í þetta skiptið, öll hin blómin mín hafa nefnilega dáið :S Þau hljóta að hafa verið veik fyrir eða gölluð greyin :S

Sumarbústaður fjölskyldunnar er að verða tilbúinn þannig að það styttist í að maður geti farið að plana sumarbústaðarferðir ;)

Annars er ekkert annað í fréttum. Ég er bara búin að vera að vinna of mikið undanfarið og lítið einbeitt mér að öðru :P

Hvernig finnst ykkur svo sumarið so far vera? ........Ég verð að segja það að ég er sko ekki nógu sátt við þetta veður. Það er alveg að gera út af við mig, mig vantar sól og sumar :S..............Æ ég vona bara að það verði gott úti á Spáni :P

kv. Sonja

Alþjóðlegu klaufaverðlaunin 2006

Fri, 02 Jun 2006 01:36:47 GMT

Ég krýni mig hér með klaufa ársins. Ég er búin að gera mig að fíbli svo oft í vinnunni að þið trúið því ekki. Þetta fer að verða vandamál. Ég veit ekki alveg hvort ég eigi að segja frá öllum þessum klaufaskap hér :S Það gæti nefnilega sett svartan blett á ímyndina mína ;) hehe en hverju hef ég að tapa? ;) Þið sem þekkið mig vitið að ég er algjör klaufi og kem mér óspart í vandræðalegar aðstæður;) hehe

Allavega hérna eru nokkur atriði:

Ég var úti að pússa glugga og stóð uppi á bekk til að reyna að ná betur upp en þá þurfti bekkurinn endilega að brotna :S kannski er þetta eitthvað merki um það að ég eigi að fara aðeins að passa þyngdina :S hehe ;)
Ég var að stimpla inn í kassann einhverja upphæð en þá ákkúrat bilaði hann, ég veit ekki alveg hvernig en það héldu náttúrulega allir að það væri mér að kenna :S Það gat enginn lagað þetta, eigandinn þurfti að koma og allt :S en á endanum var það ég sem gat lagað þetta þannig að það var fínt :D
Í dag þurfti ég að þjóna á golfmóti fyrir fullt af einhverju snobbliði þannig að ég ætlaði sko að vera með allt á hreinu og standa mig geðveikt vel. Því var annar þjónn að kenna mér góða aðferð við það að halda á þremur diskum í einu. Hann sem sagt notaði þumalputta og baugfingur til að styðja við disk nr. 2 sem situr rétt hjá olnboganum. Mér fannst það voða skrýtið vegna þess mér fannst þægilegra að styðja við diskinn með litla putta þannig að ég spurði hann hneyksluð "Ertu ekki með litla putta?" og þá var ég auðvitað að meina hvort að hann notaði ekki litla putta til að styðja við. En þá svaraði hann "Nei ég er ekki með litla putta". Þá leit ég á hendina á honum og sá að hann var í rauninni ekki með litla putta :S Mér leið eins og hálfvita vegna þess að ég var að sjálfsögðu ekki að spyrja hvort hann væri ekki með litla putta. Hann hefur ábyggilega haldið að ég væri að gera grín að sér. Hann hló ekki, heldur var mjög alvörugefinn í fasi :( hehe spes. Þetta var kannski svona you had to be there dæmi ;)
Í kvöld var ég að taka vínglös og ýmislegt af borðum. Ég ætlaði sko að vanda mig rosalega mikið og þetta hafði allt gengið rosalega vel þar til ég var að labba með bakka inn í eldhús með þremur hálffullum vínglösum á og ýtti aðeins á hurðina til að komast inn í eldhúsið en mætti þá einhverri mótstöðu (því einhver hálfvita kerling var svo gáfuð að standa ákkúrat fyrir hurðinni) og rak bakkann í hana og allt datt af og brotnaði. Rauðvín helltist út um allt og glerbrot líka. Þetta var ömurlegt, mig langaði til að sökkva ofan í gólfið. Fólkið tók líka alveg andköf þegar það sá mig missa þetta og heyrði brothljóðin :S Ég var líka svo heppinn að eigandinn sá þetta allt því hann var ákkúrat að hjálpa okkur í kvöld:$ Þetta var b.t.w. fyrsta kvöldið sem ég hitti hann þannig að hann hefur fengið mjög gott first impression af mér ;) hehe
Svo braut ég líka vatnskönnu í dag og kaffibolla í gær.
Svo kom ýmislegt annað fyrir sem ég get eiginlega ekki sagt hér :S

Ég held að ég sé sko ekki fæddur þjónn, það er alveg á hreinu. Þá er ég búin að útiloka það framtíðarstarf ;) hehe. Ég held að ég sé nú bara heppin að vera ennþá með vinnu :)

En samt er mjög gaman í vinnunni :D hehe ;)

Bæjó,

Sonja

Það eru allir misskildir á einhvern hátt

Fri, 19 May 2006 12:23:34 GMT

Yess loksins!!!!!!

Seinasta prófið búið og nú tekur sko sumarið við :D

Og svo byrja ég að vinna í næstu viku í fallega Golfskálanum í Heiðmörk :) Ég hlakka svo til að byrja, þetta virðist vera svo skemmtileg vinna. Svo skemmir umhverfið ekki fyrir en það er mjög fallegt þarna í kring :) (þetta er sko ekki GKG heldur hinn sem er lengra inn í Heiðmörk)

Ahh ég veit það ekki

Mon, 15 May 2006 21:13:06 GMT

Af hverju þurfa breytingar endilega alltaf að vera af hinu vonda?

Af hverju er ekki hægt að taka breytingum fagnandi? Og þá sérstaklega þegar þær eru öðrum til góðs.

Er ekki hægt að hafa samskipti við mismunandi fólk án þess að þurfa sífellt að gefa eitthvað leiðinlegt í skyn?

when is it over?

Thu, 04 May 2006 14:15:37 GMT

4 próf búin en 7 próf eftir. Vá hvað ég er ekki að nenna þessu ! Ég vil að prófin séu búin og að ég sé byrjuð að vinna. Ég vil líka að ég geti gert hvað sem ég vil hvenær sem ég vil, en nei það verður víst ekki hægt næstu 2 vikurnar :(

Ohh ég hlakka svo til 19. maí að það er ekki eðlilegt :D Þá eru prófin ákkúrat búin og þá verður sko haldið rækilega uppá það;) Annað hvort með því að fara á lokaballið og dansa eins mikið og hægt er í sæta blómótta kjólnum mínum eða með því að hitta mína yndislegu vini og kannski halda smá partý ef það verður leyft :P (sem ég efast stórlega um þar sem að parketið okkar er allt út í götum eftir jólaballs partýið sem ég hélt :S) Er ekki einhver annar sem býður sig fram í að halda sumar- og prófloka partý? ;)

Ef ykkur leiðist einhvern tímann og langar ótrúlega mikið út þá er ég með svar við því;) Þið farið á Laugaveginn að rúnta og gefið sætum strákum eða stelpum einkunnir (það fer allt eftir því að hvoru kyninu þið laðist að sjálfsögðu). Við Helga gerðum þetta um daginn og það var bara mjög gaman, við sáum alveg þó nokkra 9.5 stráka ;) Þetta hljómar ógeðslega ljótt og yfirborðskennt en þetta er samt svo gaman eitthvað. Þeir heyra hvort eð er ekkert í okkar þar sem að við vorum inni í bíl með alla glugga lokaða. Við gáfum líka bara þeim sem okkur leist vel á einkunnir :P

Ég fór samt að velta því fyrir mér eftir á hvort það væru ekki margir aðrir sem gerðu þetta líka, það er nefnilega ekki eins og við höfum verið að finna upp hjólið eða eitthvað. Maður hefur eflaust oft lent í svona úrtaki líka sjálfur ef maður hefur verið að labba niður Laugaveginn. Hvaða einkunn ætli maður hafi þá fengið? Hmm, það er ekki beint gott að vita af því að einhver sé að dæma mann svona og gefa manni einkunnir :S

Okei, it's official ég og Helga erum yfirborðskenndar og leiðinlegar. Ég mæli með að þið forðist okkur og hypjið ykkur í burtu ef þið verðið vör við nálægð okkar :P hehe.

(Við gerum þetta samt ekki við vini og vandamenn) :D

Jæja best að fara aftur að læra :) og hlakka til sumarsins :)

Adios,

Sonja

Sími, ó sími hvar ertu?

Fri, 28 Apr 2006 21:01:36 GMT

Vá hvað mig vantar símann minn :( Nú er ég búin að vera án hans síðan 15. apríl . Ég hef aldrei verið jafn bjargarlaus eins og þessa daga sem ég hef verið án hans. Skrýtið hvað svona lítið tæki getur skipt miklu máli :P

En það er samt sérstaklega slæmt að hafa hann ekki núna vegna þess að á ég er nýbúin að sækja um vinnu á ótalmörgum stöðum og gsm síminn minn var að sjálfsögðu síminn sem ég gaf alltaf upp :( Þannig að ég gæti verið búin að missa af mörgum atvinnutilboðum ( hehe ein geðveikt bjartsýn).

En já maður áttar sig víst ekki á því hvað maður hefur fyrr en maður hefur misst það :) Fyrir þá sem ekki vita það, gleymdi ég honum úti á Ítalíu, hann er vonandi á leiðinni í póstinum. En Ítalir eru víst polychronic þjóð sem þýðir að þeir eru ekkert að stressa á hlutunum og gera allt bara á morgun eða hinn. Ég væri því heppin að fá minn blessaða síma á næsta hausti :P

Nóg um það :P Fyrsta bóklega prófið var í dag. Það var alþjóðafræði og það gekk bara rosalega vel fannst mér :) Enda var ég líka búin að læra mjög mikið undir það. Ég held að ég hafi glósað um 20-30 bls. en það telst nú bara gott miðað við venjulegan fjölda ;) (Þær voru líka úr 230 blaðsíðna efni)

Svo á bara að skella sér í bíó í kvöld með Hildi og Helgu og halda svo áfram að læra á morgun :P Ég ætla nú samt að fara á KSS fund um kvöldið og sjá hana Perlu og nýju stjórnina taka við ;)

Á sunnudaginn er svo fermingin hennar Ástu Karenar litlu systur :) En hún fermist einmitt í krúttlegustu kirkjunni á landinu, Garðakirkju :)

Adios :)

Það er ekkert sumar án snjós :P

Mon, 24 Apr 2006 20:08:19 GMT

Ég sem hélt að sumarið væri komið. Svo er greinilega ekki. Það er bara snjór og læti :( Það er samt ágætt að því leyti að ég þarf ekki að vorkenna mér yfir því að þurfa að vera inni og læra ;)

Ég get samt varla lært, ég er eiginlega of spennt :D Ég var nefnilega valinn formaður Ljóslifandi í Verzló :D Það er nefndin sem sér um að halda stuttmyndakeppnina Ljósið og ýmsa aðra viðburði í skólanum sem tengjast kvikmyndum :) Það þýðir samt að við Helga getum ekki sent inn stuttmyndina okkar, en við gerum hana bara samt okkur til skemmtunar, það væri líka gaman að eiga hana ;)

Jæja ég ætla að klára að glósa alþjóðafræði :P

See ya ;)

Sonja

Róm á laugardaginn

Wed, 05 Apr 2006 10:38:29 GMT

Jei, ég er að fara til Rómar á laugardaginn! :D Ég verð þar í viku en svo fer ég til London á laugardaginn þar á eftir og kem svo heim 18. apríl :) Ohh ég hlakka svo til. Mig hefur alltaf langað til Ítalíu, það er eflaust ótrúlega fallegt þar :D

Seinasta helgi var bara fín:) Á föstudeginum fór ég á kosningavökuna í Verzló og síðan í smá get to gether hjá Heiði og Kristjönu. Kosningavakan var ekkert smá spennandi og það voru 4 úr bekknum mínum kosnir formenn :)

Pétur Björgvin í Nemó
Vilmundur í Forseta NFVÍ
Gunnþórunn í Listó
Svavar í Skemmtinefnd

Á laugardaginn fór ég að vinna sem var mjög skemmtilegt eins og alltaf :P Og um kvöldið kíkti ég í heimsókn til Hildar sem var að passa litlu frænku sína. Þar fékk ég það endanlega staðfest að ég kann ekkert á börn :P Ég var að reyna að segja henni frá einhverju sem ég hélt að væri voðalega skemmtilegt en svo kom í ljós að hún skildi ekki orð af því sem ég sagði því ég notaði alltof flókin orð , hehe :P Hún var bara tveggja ára greyið og skildi þetta ekki. Grey barnið horfði á mig undrunaraugum og reyndi svo bara að komast í burtu. Ég hélt samt að maður ætti að tala við börn eins og þeir væru jafningjar mann :S En jæja, ég þarf greinilega að æfa mig aðeins í því að umgangast börn ;)

Á laugardagskvöldið fór ég líka að sjá V for Vendetta með Guðrúni Ingu. Þetta var ekkert smá góð mynd og ég mæli með henni fyrir alla. Það var samt svolítið skrýtið, aðalkarakterinn eða V minnti mig svolítið á Einar :) En á góðan hátt Einar minn :D Hann var eitthvað svo réttlátur og spekingslegur alveg eins og þú ert :)

Seinna um kvöldið fórum við Guðrún og Hildur síðan í bíltúr og fengum okkur ís á aktu taktu en enduðum með því að hanga þar í svona klukkutíma hlæjandi eins og vitleysingar. Klukkan var um 3 og svona seint um nótt er allt fyndið :D hehe

Við ætluðum að vera geðveikt flippaðar og keyra upp í Munaðarnes ,þar sem Andrea, Helena, Erna og fleiri voru í bústað, um 2:30 leytið og kíkja við í smástund og keyra svo til baka. But then we got a reality check og áttuðum okkur á því að það var ekkert svo skynsamlegt þar sem við værum þá komnar heim um 7 um morguninn og ég þyrfti svo að fara að vinna kl. 12 þann dag. Þannig að við fórum bara heim um 5 leytið í staðinn :P

Þetta var seinasta vinnuhelgin mín í Hagkaup :) Ég er endanlega hætt og ég er svo ánægð með það. Það er bara vonandi að ég þurfi ekki að snúa aftur þangað eins og skeði seinast þegar ég hætti og fór í aðra vinnu sem entist í 5 tíma :P hehe

Vá það er að snjóa úti! Mér finnst það alls ekki nógu sniðugt :( Það á að vera komið sumar núna :S

Jæja, ég þarf að fara í tíma :)

Kv. Sonja

KOX 2006

Wed, 22 Mar 2006 20:33:32 GMT

Jæja svona á kosningaseðillinn ykkar að líta út ;)

X- Sonja í Nemó

X- Heiður í Ritstjóra Viljans

X- Helga í Verzlunarskólablaðið

X- Pollý í Viljann

X- Edda Björk í Nemó

X- Svavar í Formann Skemmtó

X- Olga í Verzlunarskólablaðið

X- Hulda í Listó

X- Árna í hagsmunaráð´

Ég lofa að þetta fólk (að mér meðtaldri) á eftir að standa sig ótrúlega vel í nefndunum á næsta ári :D